Lekukoa hartu aurreko minutuetan hitz egin du Iker Telletxea ibartarrak Ataria Irratia-rekin, eta aitortu du urduri zegoela, "ardura pixka batekin". Lehen aldia izan du lekukoa eramaten, eta "ilusio berezia" egiten ziola esan du. Ataria-n egindako zozketa bidez tokatu zaio lekukoa eramatea: "Normalean Ataria-ko zozketetan parte hartzen dut, baina oraingo kasuan, emazteak eman zuen izena, eta beste batzuen bidez jakin nuen zorteduna izan nintzela". Urte osoko aldarrikapena egin du euskararen alde, "gaurkoagatik eta urteko 365 egunengatik".
Iker Telletxea eta bere familiak eraman du Ataria-ren lekukoa. Tolosako tren geltoki inguruan hartu dute eta Galtzaundi Euskara Taldeari pasa diote.
Erlazionatuak
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!