Begotxu Olaizolaren ustez, atzoko gertakariengatik, "agintari espainolek erabat suntsitu dute 78an sortu zuten marko txar hori, eta zeuden zubi txikiak bonbardeatu egin zituzten". Bestalde, atzo milaka herritarrek erantzun zuten moduan erantzuten jarraituko dutela Espainiatik datorren erantzunaren aurrean gehitu du Olaizolak. Esperantza txiki bat bazela, baina, horrelako erantzunak espero zirela azaldu du: "eta atzokoa, gainera ez zen bat bateko kontua izan, hori aldez aurretik prestatuta zegoen".
Bere ustez, pausoak ondo eman dituzte, "era demokratiko batean, eta topatzen duzuna da estatu espainolaren errealitatea, hau da, ez dagoela prest ezer hitz egiteko, ez dakiela zer den joku politikoa". Jokuak aurrera egingo duela argi du, eta erreferenduma egingo dela, eta jendeak bokatu egingo duela.
