EH Bilduk elkarretaratzeak antolatu ditu Erreferenduma=demokrazia lelopean, «azken egunetan espainiar estatuak eta bere indar polizialak Kataluniaren kontra erabiltzen ari diren errepresioa salatzeko», eta bide batez Kataluniako «autodeterminazio erreferendumari» beren babesa agertzeko.
Atzo arratsaldean Anoetan egin zuten elkarretaratzea, eta gaur, bihar eta astelehenean eskualdeko beste hainbat herritan deitu dituzte. Amasa-Villabonako EH Bildutik azaldu dutenez, astelehenean egingo den osoko bilkuran, Kataluniaren erreferendumaren alde koalizioak aurkeztutako mozioa eztabaidatu eta bozkatuko da. Bestalde, Tolosan gaur hitzaldi bat izango da Kataluniako independentziaren bidean izenburupean, ANC Euskal Herriako bi kideren parte hartzearekin, 19:00etan, kultur etxean.
DEIALDIAK
Irailak 21, gaur
18:45. Tolosan, Trianguloa plazan.
19:00. Alegian, plazan.
Irailak 22, bihar
19:30. Villabonan, Malkar plazan.
19:30. Berastegin, plazan.
19:30. Ibarran, udaletxe aurrean.
20:00. Adunan, plazan.
20:00. Altzon, plazan.
20:00. Asteasu, plazan.
20:00. Ikaztegietan, zubian.
20:00. Zizurkilen, Joxe Arregi plazan.
Irailak 25, astelehena
20:00. Lizartzan, plazan
