Lasarten sortu zen, Hilotz, 2009. urtean, laukote moduan. Metala zutabe izan du hastapenetatik, baina, beste taldeen bertsioak joz hasi zuten bidea, sormen propiorantz lerratu dute.
Hilotz sortu zuten zenbait kidek taldea utzi eta, gaur egun, hiruko gisa aritzen dira. Mikel Yarza baxu jotzaile eta abeslaria da; Pablo Cabasesen ardura da gitarra jotzearena eta, azkenik, baterian eta koroak eginez, Etxahun Urkizu tolosarra aritzen da.
2015. urtea sukaldeko lanetan pasatu eta gero, Giza Ankerkeria diskoak argia ikusi berri du. www.hilotz.com atarian eskuragarri da lana, eta baita Tolosako Zunbeltz musika dendan ere. Entzuteko jaioak saioan txokoa egin diegu beren trash, black eta detah metal uztartzeari.