Marta Alonsok tximeleta estiloko bi probetan hartu du parte, 50 metrokoan eta 100ekoan. Lehen proban 28.79ko denbora egin du tolosarrak, eta 19. postuan sailkatu da. Bigarrenean, berriz, bere marka pertsonala hobetu du: 1:05.39. Proba honetan, 37. izan da sailkapen nagusian.
Jon Ander Perez, berriz, estilo libreko 200 metroko lehian izan da, eta honek ere bere denbora hobetzea lortu du: 1:53.64. Sailkapen nagusian 56. postuan amaitu du.
Joseba Zubeldia, beren entrenatzaileak, balorazio "oso ona" egin du: "Pozik gaude, kontutan hartuta denboraldia hasi berri dela. Egin dituzten markak oso onak dira".
Datorren asteburuan Euskal Herriko Kopa eta Gipuzkoako Kopa lehiatzeari ekingo diote IKTko igerilariek.