Tolosako hondakin bilketa sistema

"Sinisten dut zifra onetara iritsiko garela eta ez dugula sistemaz aldatu beharko"

Ibai Iriarte, Tolosako alkateak, tolosarrei egokitutako sistema dela azaldu du, eta adostasuna defendatu ondoren, sistema berria baztertzea ulertuko ez lukeela dio.

Ibai Iriarte, Tolosako alkatea, Ataria Irratiko estudioan izan da, ostiralean aurkeztu zuten hondakin bilketa sistema berriaren inguruan argibide gehiago emateko asmoz. "Tolosako herritarrei egokitutako sistema malgua" bezala definitu du Iriartek, eragile politiko eta sozial guztiek ezarritako marra gorriak errespetatzen dituena.

Modu honetan, adostasuna bilatu nahi izan dutela nabarmendu du Iriartek: "Denen minimoak mantentzeko esfortzu handia egin dugu eta ez nuke adostasun eza ulertuko. EAJ eta Tolosa Txukun birziklatzeko derrigortasunean ados zeuden, eta horrek edukiontzi berdea kentzea esan nahi zuen. Kutsatzea aukera bat izan da orain arte. Baina gure buruarekiko errespetuz, ez da aukera izango. Etika kontua da".

Atez-atekoa jartzera ausartu ez dela diotenei zer erantzungo lieken galdetuta, berriro ere adostasunari heldu dio Iriartek: "Kudeaketan zaudenean gauza ez da ausartu edo ez ausartu. Politika 'ni zu baino gehiago naiz' edo 'irabaziko zaitut'-ean onarritu da, eta hori astakeria da".

Halaber, herritarrak gai honekin "nekatuta" daudela dio, eta sistema berri hau gatazka horien guztien irtenbidea dela azaldu du. Hala ere, modu egokian birziklatzeko erantzukizuna herritarrena dela azpimarratu du, eta udala horretan bidelagun izango dute. Izan ere, Aste Santuko oporretatik bueltan, auzoz auzo bilduko da herritarrei sistema berria nola ondo egin azaltzeko: "Udalak bitarteko guztiak jarriko ditu jendeak ondo birziklatzen ikas dezan. Beldurrak kendu egin behar dira. Egoki birziklatzen bada, harrituta geratuko da jendea, benetan errefusa zein frakzio txikia den".

Iriartek ez du birziklapen tasari zifra zehatz bat jarri nahi izan, eta esan du bere nahia "toperaino" joatea dela. Dena den, ez du ezkutatu %60a "azkar" pasatzearen helburua. Eta hortik aurrera zer? galdetuta, argi eta garbi esan du ez duela horretan pentsatzen: "Sinisten dut zifra onetara iritsiko garela eta ez dugula sistemaz aldatu beharko".

Helburuak beteko balira, udalak ekonomikoki konpentsazio ona jasoko lukeela azalduko du: "Zabortegira botatako tona bakoitzako 142 ordaintzen ditu udalak, eta horri garraio eta bestelako gastuak gehitu behar zaizkio. Ondo birziklatuko bagenu, faktura horiek gutxituko lirateke". Horrela balitz, une honetan garrantzitsuagoak diren gaietan inbertitzeko aukera handituko litzakeela azaldu du.

Era berean, helburu horietara iristeko beharrezkoak diren kontrol sistema guztiak abiaraziko ditu udalak, eta momentuz, isunak jartzea baztertu du. Hala ere, eta "abisuak pasa ondoren", gaizki egiten jarraituko balitz, isunak jartzea ez du begi txarrez ikusten. "Azken aukera litzateke hori".

Hondakinen mahaiaz ere hitz egin du Iriartek, eta ibilbidea gazi-gozoa izan dela nabarmendu du: "Lehen fase batean teknikarien iritziak bildu genituen. Bigarren fasean adostasuna bilatzea zen helburua, baina ez zen lortu. Mahaia egoteak informazioa helaraztea eragin du, baina beste helburu nagusi batzuk ez dira lortu".

Bestalde, auzokonposta gehiago sustatzearen aldekoa da Tolosako alkatea. "Tolosako leku askotan egiten da, eta hedatu nahi dugu. Hor daude Alde Zaharra eta zentroa, esaterako".

Erlazionatuak

Datorren astean hasiko dira Tolosako birziklatze tailerrak

Tolosa

Tolosako Udalak herrirako onartutako hondakin bilketa sistema berria iragarri ostean, auzoz auzoko bilerak egin dituzte. Bileretan 450 bat pertsona...
"Atez atekoa ez jarri izanaz harro", Tolosa Txukunek "hutsuneak" ikusten ditu bilketa-sistema berrian

Tolosa

Tolosako Udalak aurkeztutako 300.000 euroko aurrekontua "baxuegia" dela azaldu du Patxi Amantegi bozeramaleak; bestelako gastuak "mankomunitatearen...
Komunitate-edukiontziak irailean hasiko dira hondakinak biltzen

Tolosa

Aurkako bozkekin onartu dute udal gobernuaren hondakin bilketa-sistema
Bildu: Udal gobernuak aurkeztutako sistema "abiapuntu gisa onargarria izan daiteke, birziklatze beharrei erantzuteko"

Tolosa

Tolosako Bilduko Antton Izagirreren eta Onintza Lasa udal gobernuak "prozesu honetan besteen iritziak entzuteko eta jarrera desberdinen arteko ados...
PPko Pello Atxukarro: "Inposatu baino lehen, ziur badirela neurri gehiago"

Tolosa

Atxukarroren ustez «sistema bat ez da desegokia biztanleak axolakabeak direlako». Bilketa neurri altuak lortzeko helburuarekin bat datorren arren, ...
Mankomunitatea Tolosako hondakin sortzaile bereziekin ari da biltzen

Tolosa

Tolosaldeko Mankomunitatea hondakin sortzaile bereziekin elkartzen hasi da, Tolosako hondakin bilketa sistema berriari begira. Lehen bilera atzo iz...
Tolosako PSE-EEk ez du hondakin bilketa sistema berria onartzen

Tolosa

Asensio zinegotziak Udal Gobernua «nahastearen zeremonia ospatzen» ari dela salatu du. Tolosa Txukun, berriz, "gustora" azaldu da sistema berriarekin
Edukiontzien sistemaren aurkako bozka emango du Tolosako EAJk

Tolosa

Udal Gobernuaren erabakia gaitzetsi dute jeltzaleek, «aldebakarrekoa» dela esanez.
Tolosa Zero Zabor: "Ezarpena egiten den moduaren arabera, sistema egokia hala erabat desegokia izan daiteke"

Tolosa 1

Sistema berriak hondakinak gaika sailkatzeko derrigortasuna azaltzea ontzat eman du plataformak.
Edukiontziak eta txipak, Tolosako errefusa eta organikoa biltzeko

Tolosa

"Sistema eraginkorrena ez dela" uste du Udal Gobernuak, baina adostasunaren bila joan dira, bideragarritasun ekonomikoa eta gutxieneko tasak ere ko...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!