2013ko Mikologia jardunaldiak bihar, urriak 16, hasiko dira, eta data horri begira, atzo, Casino Elkarteko kideek, datozen egunetan antolakuntza lanetan indarberrituta hasteko, sukaldaritza ikastaro batean parte hartzeko parada izan zuten.
Solana 4-ko sukaldaria den Sonia Tapia izan zen irakaslea, eta maisutasunez eta pazientziaz onddo eta perretxikoak osagai nagusi dituzten hainbat plater prestatu eta sekretutxoren bat edo beste ere erakutsi zien bertaratutakoei. "Iaz antolatu zen kurtso hau lehenengoz, eta aurtengo arrakastaren ondoren ziur datorren urtean ere jarraipena izango duela", azaldu dute Casino elkartetik.
