15:30ean etxafueroak eztanda egin bezain pronto, LH6ko ikasleak abiatu dira Korrikaren testiguarekin. Maila bakoitzeko bi ikaslek eraman dute euskaren aldeko lekukoa. Herriko plazatik abiatu eta herria zeharkatu dute. LH6 mailatik hasita eta HH2 maila bitarte.
Korrika amaiera Zumadi eskolan bertan izan da. Bertan, azken asteotan entseatutako Korrika dantza dantzatu dute, eta baita Pirritx, Porrotx eta Marimototsen Korrika koreografia ere.
LH4 mailako Amaia Ordozgoitik izan du ardura lekuko barruan eraman duten mezua irakurtzeko. Izan ere, ikasle guztien artean Ordozgoitirena izan da mezurik “osoena”, euskaran Amezketan zer esan nahi duen adierazteko.
Azkenik, guraso elkarteak prestatuta, merienda banatu zaie ikasle guztiei. Bihar, berriro ere, Amezketako kilometroan, Alegian, Korrika eta euskararen alde lasterketa ariko dira guztiak.