2017ko Ahots Baten sormen egonaldiaren matrikulazio kanpaina hastea aski aitzakia izan da Ainhoa Ontsalo gonbidatzeko. Irribarrea ezpainetatik kendu gabe hitz egin dugu berarekin, aurreko bi urteetan sormen egonaldian bizitako esperientziaz eta baita bere bertso zaletasunez ere.
Horrez gain, Euskal Herriko Txapelketako final laurdenek eman dutenaren errepasoa egin dugu eta Iruñean abenduaren 2an ospatuko den azken final erdietarako lehiaketa martxan jarri dugu. Aste honetan Unai Iturriagaren bertsoa asmatu beharko da, datorren asteazkena bitartean.
