Azaroaren 20tik abenduaren 4ra egingo da Euskaraldiaren bigarren edizioa eta dagoeneko herrietako batzordeak hasi dira ariketan izena eman dutenei txapak banatzen. Tolosaren kasuan, ostiraletan eta larunbatetan kalean mahaiak jarriko dituzte txapak banatzeko eta jendeak izena eman dezan. Astean zehar, berriz, Galtzaundi Euskara Taldearen egoitzan jaso beharko dira txapak.
Egutegia:
- Azaroak 6, ostirala | 18:00-20:00 Trianguloan.
- Azaroak 7, larunbata | 11:00-13:00 Trianguloan.
- Azaroak 13, ostirala | 18:00-20:00 Trianguloan.
- Azaroak 14, larunbata | 11:00-13:00 Trianguloan.
- Azaroak 20, ostirala | 18:00-20:00 Trianguloan.
- Astean zehar: 09:00-13:30 / 15:00-18:30 Galtzaundin (Nafarroa etorbidea 6).
Bestetik, Euskaraldiaren banderolak eta ahobizi edota belarriprest maskarak ere salgai egongo dira egun hauetan 5 euroren truke.
Oraindik Euskaraldian izena emateko aukera dago izenematea.euskaraldia.eus webgunean, Kultur Etxeko eta Galtzaundiko kutxetan eta kaleko mahai informatiboetan.
Euskaraldiko txapen baneketa Tolosan
2020ko aza. 6a, 13:46
Euskaraldiaren Tolosako batzordeak ostiraletan eta larunbatetan belarriprest eta ahobizi txapak banatzeko mahaiak jarriko ditu Trianguloan. Izena emateko aukera ere egongo da bertan, Euskaraldiko banderolak eta musukoak erostearekin batera.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!