Azaroaren 20tik abenduaren 4ra egingo den Euskaraldiaren berrikuntza nabarmenetakoa da ariguneena, era guztietako erakunde, enpresa eta elkarteetan sortzen diren euskara erabiltzeko gune babestuena. Izan ere, lehen edizioan hiztunen arteko harremanetan oinarritutako ariketa sozialari talde babestuetan egiten den ariketa gehitu zaio aurten. Aiurri, 28 Kanala eta Tolosaldeko Ataria-rekin elkarlanean, Euskaraldian parte hartuko duten eskualdeko 24 herrien babesarekin eta Galtzaundi Euskara Taldeak sustatuta, astez aste Tolosaldeko zenbait entitateren esperientziak bilduko dituzten bideoak argitaratuko dira astearte eta ostegun eguerditan.
Tolosaldean entitate desberdinek eman dute izena Euskaraldian: ikastetxe, enpresa, saltoki, kultur eta kirol elkarte, taberna zein jatetxe, banketxe eta udalek, besteak beste. Guztira 1.100 arigune baino gehiago sortu dituzte Tolosaldeko entitateek eta horietan bilduta 4.200 pertsonak hartuko dute parte Euskaraldian ahobizi edo belarriprest roletan.
Euskaraldiaren aurtengo edizioko berritasun nagusia entitateen parte hartzea da. Tolosaldean 290 entitatek eman dute izena Euskaraldian eta 1.100 arigune baino gehiago sortu dituzte. Urritik azaroaren 20ra bitarte, eskualdeko hainbat entitateri buruzko bideoak argitaratuko dira sarean.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!