Gau Beltza gertu dugula baliatuta, urriaren 31tik azaroaren 7ra Donostian ospatuko den zinema jaialdiaren inguruan hitz egin dugu gaurko saioan. Besteak beste, ostiral honetan, 'Gaua' Paul Urkijoren azken lana proiektatuko dute Kursaalen, 20:00etan.
Urkijoren azken lanaz hitz egin dugu gaurko saioan, baina, horrez gain, datozen egunetan Donostian proiektatuko dituzten lau lanen inguruko zenbait xehetasun eman ditugu: The Long Walk, Santa Zeta, Primate eta Aquel ultimo tiburon. Bestetik, azaroaren 4an Victoria Eugenia Antzokian egingo den Euskal Film Laburren Maratoia ekitaldiari buruz ere hitz egin dugu.
Saio batzuetarako sarrerak salgai daude oraindik esteka honetan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
