Bertso bitartez erakutsitako kemena eskertu nahi izan zieten sokatira taldeko kideei. Jexux Peñagarikano eta Ane Zubiaren hitzak kantura eraman zituzten.
Meritua da, neska kuadrilla,
astindu baratzea,
Suediatik Ibarraraino,
saski bete ekartzea.
ez da erraza lana, sendia
eta kirola uztartzea,
halakoetan merezi du, bai,
denon gogora ekartzea,
urre kolorez janzten direla
zilarra eta brontzea.
(Jexux Peñagarikano).
Sokaren tiran bi sari lodi
brontzea eta zilarra
Sokaren puntan beste behin jarriz
emakumeen indarra
Munduan handi egin duzue
Berez txiki den Ibarra
Piztu dadila gure bultzadaz
Herri hontako sugarra
Zorion Hitza herriak zuei
Emateko dun bakarra
(Ane Zubia).
