Nekane Txapartegiren atxiloketaren harira bi mozio onartu dituzte Asteasun

Tolosaldeko Ataria 2016ko api. 14a, 13:01
Irudian, biharko elkarretaratzerako deialdia egiten duen kartela.

Nekane Txapartegiren egoera salatzeko elkarretaratzea eta batzar irekia egingo dituzte bihar, Asteasun, 20:00etan; eta horrez gain, bihar Txapartegik lehen auzi saioa izango du

Nekane Txapartegiren egoera salatzeko kontzentrazioa eta batzar irekia egingo dituzte, bihar, ostirala, 20:00etan, Asteasun, Nekane etxera! lelopean. Hain zuzen ere, bihar izango du Txapartegik lehen auzi saioa. Apirilaren 6an atxilotu zuten asteasuarra, alaba eskolan utzi ondoren, ikastetxe atarian Suitzako polizia federalak, Espainiako Poliziaren laguntzaz. Ondoren, Zuricheko espetxera eraman zuten.

Hori dela eta, asteazken iluntzean, atzo,  Asteasun egindako ohiko osoko bilkuran Txapartegiren egoera salatzeko mozioak aurkeztu ziren. Bat ezker abertzaleak eta bestea EAJk aurkeztu zituzten, eta biak onartu ziren. Ezker abertzalearena Asteasu Batuz taldearen aldeko botoekin eta EAJren abstentzioarekin onartu zen (irakurri mozioa hemen). EAJrena, berriz, aho batez onartu zen (irakurri mozioa hemen).

Erlazionatuak

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!