Dantzariak, koreografoak, clownak, aktoreak, marrazkilariak, irakasleak, zinemagileak, antzerki sortzaileak, abokatuak… denetariko profesionalen lanak jaso dituzte aurten Sormenaren Kabia deialdiaren bigarren edizioan. 24 proposamen izan dira, Euskal Herriko artistek eta Espainia, Txile, Argentina, Lituania eta Frantziakoek aurkeztu dituzte, besteak beste.
Jaso dituzten proposamenetatik hamabost emakumezkoenak izan dira, lau gizonezkoenak eta bost konpainia artistikoenak. Hautagaien bataz besteko adina, bestalde, 35-40 urte bueltakoa izan da.
Proposamenak aztertu ondoren epaimahaiak uda aurretik erabaki zuen Nagore Legarreta eta Beñat Ralla sortzaileen proiektuak aukeratzea. Irailean izan zen Legarreta Alkizan eta gaur bukatuko dute egonaldia Rallak eta bere taldekideek.
Fagus Alkiza interpretazio zentroak 'Sormenaren Kabia' bekaren bigarren deialdian saritutako bi artistek egonaldia egin dute herrian; argazkilaritza, musika, eta dantza bezalako diziplinak landu dituzte asteotan.
Erlazionatuak
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!