Goizean, jokoak egin dituzte haurrentzat, eta berrerabilitako trasteekin jolasak egin dituzte. Gazteek atseden hartzeko denbora izan dute gaurko egunari aurre egiteko; poteoa egin dute eguerdian eta ondoren, bazkaria egin dute. 80 pertsona inguru elkartu dira, eta azken urteetako arrakastatsuena izan da. Ondoren, Erein laukotearen doinu goxoak entzuteko aukera izango dute.
Arratsaldean, haur jolasak eta haur tailerrak egingo dituzte Aurrera plazan; gazteek, berriz, kalejira egingo dute Elektrotxufla elektrotxarangarekin.
Gauean, afaria egingo dute eta suzko zezena ere izango da; eguna amaitzeko, EH Sukarra eta Bad Sound System taldeen kontzertuak izango dira.
Ikusi hemen egitaraua.
