ataria.eus

Sakabanaketaren aurkako aldarria Zizurkilen

  politika  Zizurkil
Sakabanaketaren aurkako salaketa pilotalekuetara eramaten ari da Etxerat elkarteak. Pilotakadaz pilotakada izenburupean Gipuzkoan, eskualdez eskualde sakabanaketaren ondorioak pairatzen dituzten presoen eta euren senideen eskubideak errespetatuak izatea aldarrikatzen ari dira, eta aldarrikapen hori Tolosaldera iritsi da gaur, Zizurkilera, hain zuzen.

Goizean palan aritu dira neskak, eta ondoren, 18 bikote esku pilotan aritu dira pilotalekuan. Zimiterioan, berriz, paxaka erakustaldia egin dute. Bazkaltzeko 60 pertsona inguru elkartu dira, eta arratsaldean jarraitu dute pilota partidek. Palan jokatu dute, eta helduen esku pilota partidak ere izan dira, profesional ohiak ere aritu direlarik. Finalerako bost bikote onenak txokotan jokatuz sailkatu dira. Gipuzkoako finala ekainaren 29an jokatuko da Tolosako Beotibar pilotalekuan. Egun horretan, bazkaria ere egingo dute Zerkausian.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa