Rebeka Ubera legebiltzarkideak esan du Osasun sailak aurkeztutako Tolosako ospitalearen plan funtzionalaren arabera Tolosaldeko osasun arreta murriztuko dela. «Egiten duzuen planteamenduarekin orain eskaintzen diren osasun zerbitzuak murrizten dira. Horrela zaila da osasun zerbitzuen kalitatea hobetzea. Kirurgiak desagertuko dira, eta zer egingo duzue traumarekin? Akutuen ospitalizazioak ere desagertzen dira. Planteatzen duzuena ez da ospitale bat, baizik eta, dokumentuan diozuen bezala, definiziorik ez duen azpiegitura bat». Gehitu du ez dela argitzen ere larrialdi zerbitzuak nola geratuko diren, eta Tolosaldeak irisgarritasuna eta zerbitzuak galtzen dituela, eta Donostia saturatzen duela.
Uberak esan du lehen aldiz ikusi dutela horrelako plan funtzional bat, eta gehitu du ulertzen dutela patologia konplexuetan ospitale unibertsitarioetara jotzea, baina ez hori egitea oinarrizko zerbitzuekin. «Zulo bat areagotzen da, beste zulo bat estaltzeko aitzakiarekin». Izan ere, EH Bilduko legebiltzarkidearen arabera, plan funtzionalaren arabera Donostiako ESIari zama areagotuko zaio. Donostian gauden bezala, nola emango zaie arreta beste 60.000 pertsonei?».
Aipatu du ere plan funtzionalean ez dela zehazten zer gertatuko den Tolosaldeko ESIarekin: «Integrazioaz hitz egiten da, baina zatikatzea areagotzen da, ESIa apurtzen da». «Horretarako ez da 107 milioi zementuan xahutzerik behar, ez al da hobea Asuncion Klinika publiko egitea? Egiturazko konponbide bat behar dugu».