LAB sindikatuak esan duenez, Hezkuntza Sailak sindikatuarekin 2023ko ekainean izenpetutako lan akordioak EAEko ikastoletako langile guztien soldatak 2027rako sare publikokoekin erabat parekatzea aurreikusten bazuen ere, 2025 urteaz geroztik egin diren soldata eguneraketek kanpoan utzi dituzte hainbat kategoria, besteak beste, Haur Hezkuntzako 1. zikloko hezitzaileak eta administrazio, jangela, garbiketa, mantenu eta garraioko langileak. Horrez gain, akordioak aurreikusten zuen ikastoletako langileen lan baldintzen homologazio azterketarekin hasi ere ez direla egin esan du. Hori dela eta, soldata arrakala areagotu dela uste du sindikatuak, eta lan akordioa bete dadin eskatzeko ordubeteko lanuzteak deitu ditu ikastoletan ostegunerako.
Pasa den azaroan itxialdiak egin zituzten hainbat ikastolatan.