ATARIAk Korrika Marrazki Sariketan jasotako erantzun beroa eskertu nahi du. 130 lan jaso ditugu, eta ez dugu hitzik gazteek erakutsitako maila, gogoa eta konpromisoa eskertzeko. Zorionak guztioi!
Iaret Goikoetxea Ruiz eta Oier Bikuña Errondosoro izan dira zozketa bidez irabazle suertatu direnak. Elkar dendan erabiltzeko 150 euroko erosketa bonu bana jasoko dute. ATARIA jarriko da irabazleekin harremanetan, sariaren inguruko azalpenak emateko.
ATARIAk gazteenen sormena landu nahi izan du sariketa honekin, beti ere, euskara ardatz hartuta. Jasotako marrazki bakoitzak istorio bat kontatu du, eta argi geratu da gure gazteek munduari begiratzeko modu berezi eta aberatsa dutela. Gainera, erakutsi dute euskara ez dela bakarrik hitz egiteko hizkuntza bat; sentitzeko, marrazteko eta amesteko tresna bizia ere bada.