Joseba Tapiak eta Koldo Izagirrek Mister Eleizegi izeneko diskoa ondu dute elkarrekin. Euskal Herriaren istorioak eta bizipen kolektiboak kontatzen ditu, ohiko pertsonaien, gertakizunen eta paisaien bitartez. Tartean da Migel Joakin Eleizegi Arteaga Altzoko Handia ere. Garbiñe Ubedak prestatu du diskorako azala.
Disko berri-berri horrekin batera Durangoko Disko eta Liburu Azokan topatutako beste hainbat ere ekarri ditugu irratsaiora: Neomak taldearen Lazturak orbain, Ruper Ordorikaren Lurra ikutu barik, Iker Laurobaren Bosgarren solairutik, Esnaezinen Hormetan idazten, Gorka Urbizuren Bakan II edota Izaki Gardenak taldearen Sitsak.