Futbolarekin hasiko gara, Alegiako Intxurre taldeari buruz hitz egiteko. Gizonezkoen lehen taldea erregionaleko lehen mailatik Gorengo mailara igo da aurtengo denboraldian. Mikel Oiarbide kapitainarekin aritu gara solasean horren inguruan.
Areto futboleko hitzordu garrantzitsua dugu bihar, larunbata, Ibarran. Lauburu Ibarrak Bigarren mailara igotzeko aukera du, Industrias Santa Coloma B taldearen aurka, igoera fasearen finalaren itzulerako partida baitu. Cristian Davila bigarren entrenatzailearekin hitz egin genuen partida garrantzitsu horri buruz-
Mendi lasterketekin bukatuko dugu gaurko saioa. Igandean, Tolosan hitzordu garrantzitsua dute mendi lasterkariek, T3T, T2T eta T1T probak izango baitira jokoan. Antolakuntza taldeko Iñaki Insaustirekin errepasatu ditugu proba horien nondik norakoak.