Andoni Zumeta tolosarra padel entrenatzailea eta jokalaria da. Orain hiru urte inguru Aitor Falconekin batera Goazen Tolosako Padel kluba sortu zuen. Zumetarekin hitz egin genuen Berazubiko padel pisten ondoan, klubari eta bere ibilbideari buruz.
Pilotari dagokionez, pasaka modalitatea izan dugu hizpide. Asteazken arratsaldean aurkeztu zuten Zizurkilgo Zimiterioan bertan egingo den Gipuzkoako Pasaka Txapelketa. Maite Amenabar Zizurkilgo alkateak eta Iñaki Lizaso Gipuzkoako euskal Pilotako Federazioaren lehendakariak hitz egiten zuten txapelketaren inguruan.