Eraikin horiek zenbat urte dituzte, batez beste? Ondorengo grafikoan ikusi daitekeen bezala Elduain, Leaburu-Txarama, Altzo eta Alkiza dira etxebizitza zaharrenak dituzten herriak; Elduainen, batez beste, 77,3 urte dituzte, Leaburu-Txaraman 62,7, Altzon 56 eta Alkizan 55,3. Etxebizitza berrienak Irura (30,9 urte) eta Adunan (35,8 urte) daude.
Etxebizitza horietan igogailu gehien dituzten herriak Tolosa, Irura eta Amasa-Villabona dira. Tolosan etxebizitzen %76,59k dute igogailua, Iruran %73,46k eta Amasa-Villabonan %73,18k. Orexa, Belauntza, Hernialde, Baliarrain eta Albiztur dira igogailu gutxien dituzten herriak.
Azalerari dagokionez, Bidania-Goiatz, Larraul eta Orendain dira azalera handiena duten etxebizitzak dituzten herriak. Bidania-Goiatzen batez beste, 203,3 metro karratu dituzte, Larraulen 177,4 eta Orendainen 149,8.
