Arraunari buruz hasi gara: Tolosaldea traineruko Maialen Amondarain patroiarekin hitz egin dugu asteburuan jokatu diren Euskotren Ligako bi estropaden inguruan. Mendi lasterketei dagokionez, Goar Lopetegi ibartarrarekin hitz egin dugu, Hoka Val d'Aran Pyrinees lasterketako Camins d'her proban hirugarren egin ondoren. Atletismoko protagonista John Cabang da: Olinpiar Jokoetarako sailkatu da, 110 metro hesietan lehiatzeko, Filipinetako selekzioa ordezkatuz; abuztuaren 4an izango da bere probaren kanporaketa saioa, eta Berazubiko estadioan elkartu ginen berari elkarrizketa egiteko.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!