Areto futboleko 2. B mailako liga bukatu zen asteburuan, Lauburu Ibarra igoera fasea jokatzeko sailkatu da, eta Laskorain mailaz jaitsi da. Lauburu Ibarrako Alvaro Alonsorekin eta Laskoraingo Mikel Juaristirekin hitz egin dugu talde bakoitzaren denboraldiaz. Bihar, larunbata, bi ekitaldi izango dira: II. Ibiur Harrie harri jasotze txapelketa, eta horri buruz Jokin Garmendiarekin hitz egin dugu, eta Txindokiko Kilometro Bertikala, eta probari buruz Igone Camposek eman dizkigu nondik norakoak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!