Cornago eta Rico, gastronomiako talentu gazteen artean

Tolosaldeko Ataria 2024ko mai. 13a, 17:04

Iturria: Basque Culinary Center

Basque Culinary Centerrek Gastronomiako 100 talentu gazteak izeneko zerrenda osatu du. 30 urtetik beherako profesionalen zerrenda bat da eta beren lanarekin gastronomia eraldatzen laguntzen ari direla diote. Bertan daude Alegiako Lander Cornago eta Asteasuko Gorka Rico.

Basque Culinary Centerrek gastronomiaren mundua eraldatzen laguntzen ari diren 30 urtetik beherakoen zerrenda osatu du hirugarren aldiz. Aurtengo zerrendan Gipuzkoako 20 pertsona daude eta horietako bi eskualdekoak dira; Alegiako Lander Cornago eta Asteasuko Gorka Rico.

Alegiarra Hiru Michelin izar dituen Arzak jatetxeko ikerkuntza eta garapen departamenduko sukaldaria da eta asteasuarra Ama jatetxeko sukaldeburu eta jabeetako bat da. «Eboluzionatzen jarraituko dugu, betiere gure ingurunea, kultura eta berau osatzen duten pertsonak defendatzeko helburuarekin», iragarri du Gorka Ricok Amari buruz.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!