Pilotari dagokionez, hiru elkarrizketa daude entzungai. Batetik, Itxaso Erasun zizurkildarrarena: igandean Master Laboral Kutxa binakako txapelketa irabazi zuen Olatz Arrizabalagarekin batera. Bestetik, Martxel Iztueta tolosarra: Binakako Serie B Txapelketaren finala jokatuko du larunbatean, Agirre lagun duela, Labrit pilotalekuan. Azkenik, Jokin Altuna amezketarra: martxoaren 31n Binakako Pilota Txapelketaren finala jokatuko du, atzelari Julen Martija, eta aurkari Peio Etxeberria eta Zabaleta dituela.
Mendi lasterketei dagokionez, bihar, larunbata, II. Anttine Trail lasterketa egingo da, eta Xabi Irazu antolatzaileak azaldu ditu probaren nondik norakoak.