Lehen bi agresioak iragan igandean, Zaldunitan, eman ziren, iluntzeko bederatziak aldera. Gizonezko batek bi emakumezko sexualki erasotu zituen, inauteriez gozatzen ari zirela. Emakumezkoetako bat adingabea da; gizonezkoak gainera, testigu bat cutter batekin mehatxatu zuen. 28 urteko gizonezkoa, gertakarien unean atxilotua izan zen, eta atzo, astelehena, epailearen esku utzi zuten.
Bigarren gizonezkoa, gaur 05:15 aldera, atxilotu dute Tolosako Ibarralde kalean; izan ere, minutu batzuk lehenago, 37 urteko gizonezkoak adingabe bati sexualki eraso egin dio kalean. Biktimak gertatutakoaren berri eman eta gizonezkoa atxilotu dute. Gizonezkoak polizia-aurrekariak ditu eta epailearen esku utziko dute, behin polizia-eginbideak amaituta.
