Azken orduetan bi atxiloketa izan dira Tolosako Inauterietan gertatutako hainbat sexu erasoren ondorioz. Batetik, Tolosako Udaltzaingoak gizonezko bat atxilotu zuen atzo goizean adin txikiko neska talde baten aurrean exhibizionismoa egiteagatik. Atxilotua epailearen esku utzi dutelarik gaur goizean. Eta, bestetik, Ertzaintzak jakinarazi du 28 eta 37 urteko bi gizonezko atxilotu dituela azken 48 orduetan sexu askatasunaren aurkako hiru delitu egotzita.
Udalak gertakari hauek guztiak gaitzetsi ditu eta arratsaldean zezen plazan protesta ekitaldi bateratua egingo dela esan du. Txarangek zezentokiari buelta eman ostean, Asanblada Feministako kideek, udal ordezkariek eta inauterietako hainbat eragilek beste itzuli bat emango diote plazari Indarkeria sexistarik gabeko herri baten alde eta Indarkeria matxistari aurre egin lelopean.
