Asteartean Lauburu Ibarrak Kopako kanporaketa jokatu zuen lehen mailan aritzen den Osasuna Magna taldearen aurka. Azkenean, 2-4 galdu zuten ibartarrek, baina lehiakor aritu ziren. Partida bukatzerakoan Beñat Zaldua Lauburu Ibarrako jokalariak egin zituen adierazpenak jaso ditugu.
Bestalde, igandean Jokin Altuna amezketarrak bere laugarren txapela irabazi zuen Lau eta Erdian. Astelehenean prentsaurrekoa eman zuen Amezketan, eta bertan esandako hainbat pasarte bildu ditugu.
Azkenik, Amezketan jarraituz, Albitzuri Handi Harriaren Txapelketari buruz hitz egin dugu. Hain justu, Iñaki Amundarain zinegotziarekin aritu ginen solasean bihar egingo den lehiaketaren inguruan.