Denboraldi berria abiatu du Letren Errepublika literaturari buruzko irratsaioak Ataria irratian. Gertuko liburutegietan barrena ibili gara lehen saioan:
- Tolosako udal liburutegian gazteentzako irakurle klub bat sortu dute. Susana Larre liburutegiko arduradunak klub honen eta beste hainbat konturen inguruan hitz egin du aste honetako irratsaioan.
- Aiztondoko Plazida Otaño liburutegian aurkeztu du Xabier Mendiguren Elizegik Oso latza izan da nobela laburra. Joxe Arregiren hilotzari atera zizkioten argazkien atzean dagoen istorioa da liburuaren ardatza eta Arregiren jaioterrian bertan egin du liburuaren aurkezpena idazle beasaindarrak.
- Galtzaundi euskara taldeak solasaldi literarioei hasiera emango die urriaren 24an. Arrate Egañaren Itzalen distira lana aztertuko dute parte hartzaileek eta egileak berak parte hartuko du solasaldian.
