Villabonako Behar Zana pilota elkartea hainbat txapelketaren antolakuntzan ari da, tartean Santio Txapelketa / XI. Antton Pebet Oroimenezkoa. Behar Zana pilota elkarteko arduraduna den Iñaki Lizasorekin hitz egin dugu gai horien inguruan.
Aurreko astean judoa izan genuen hizpide, eta oraingoan ere bai, astelehenean eta asteartean Europako Txapelketa izan baitzen jokoan, Nage No Kata modalitatean, Eslovenian. Tolosa Judo Klubeko bi bikoteek parte hartu zuten bertan. Senior mailan Unai Saralegik eta Unai Regillagak zilarrezko domina lortu zuten, eta junior mailan Joseba Regillaga eta Joseba Etxarri bikoak urrezko domina lortu zuten bere lehen parte hartzean. Lau judokek mezuak bidali zizkiguten Eslovenia bertatik.