Hainbat herrialdeetako adibideak jaso ditugu: Hondurasen meatzaritzak Guapinol ibaia lehortu duela, Brasilen turismo gune bat eraiki nahi dutela babestutako eremu batean eta horren atzean Cetya enpresa nafarra dagoela, edota Iberdrolaren enpresa baten erabakiengatik nola kaltetu den Brasilgo Tupinamba herria. Horrez gain, hazkunde berdeari buruzko kritika ekarri digu Mantxok, eta horrekin lotuta, Kenyako abeltzainek jasotzen ari diren erasoak bere ohituren aurka, mundu mailako karbono isurketen salerosketa dela eta. Azkenik, maiatzaren 20an azpiegitura erraldoien aurka Gasteizen egingo den mobilizazioaren berri jaso dugu.