Loatzo Igoera-Jaitsiera egingo da igandean, eta Amasako Uxo Toki elkarteak eta Martina Kultur Elkarteak antolatzen dute mendi lasterketa hori. Antolakuntzako kidea den Kepa Nazabalekin hitz egin dugu probari buruz. Igeriketari dagokionez, Tolosaldea IKTko igerilariak azkenaldian izandako emaitzen inguruan aritu gara solasean Joseba Zubeldia entrenatzailearekin. Azkenik, bihar arratsaldean egingo den Zizurkilgo II. Duatloiari buruz aritu gara, eta antolakuntzako kidea den Eñaut Galarragarekin hitz egin dugu probari buruz.