Orendaingo Eltxotrail mendi lasterketa izan dugu hizpide, Aimar Agirresarobe antolakuntzako kidearekin. Eukene Larrarte tolosarrak Munduko Pista Txapelketan parte hartu zuen, eta mezu baten bidez txapelketan izandako sentsazioak azaldu zituen. Amasako Mendi Duatloiari buruz Eneko Gurrutxaga antolakuntzako kideak eta mendi duatloilariak hitz egin du. Datorren astean Munduko Pilota Txapelketa izango da jokoan, eta bertan izango diren hiru pilotariak elkarrizketatu ditugu: Joxi Lopetegi irurarra, Eneko Maiz billabonatarra eta Eneko Labaka albizturtarra. Saioa bukatzeko, Tolosa CF-ren Mendeurrenaren harira, bi ekitaldi izango dira bihar, eta horiek aurkeztu zituzten Iñaki Martixa klubeko lehendakariak eta Ander Ortiz Atletismo saileko kideak.