Irailaren 29an kaleratu du MICEk Lautada diskoa eta bertatik jasotako kantu batekin abiatu dugu irratsaioa. Uger eta Ezpalak taldeek aurki kaleratuko dituzten diskoen aurrerapen kantuak ere jaso ditugu, baita Bidasoa izeneko pieza ere, Willis Drummondek azaroaren 18an aterako duen diskoan jasotako abestia.
Willis Drummond talde Jurgi Ekizak Euskal Gaizkileak podcasterako osatu duen kantuarekin jarraitu dugu eta baita ere Broken Brothers Brass Bandek Black is beltza II: Ainhoa filmerako osatu duenarekin. Eñaut Elorrieta, Esanezin, ETS eta Neomak-en kantu berrienak ere jaso ditugu Entzuteko Jaioak saioan. Eta bukatzeko Rolazen eta Rodrigo Cuevasek elkarrekin osatu duten fandango berezia.