Letren Errepublikako hirugarren denboraldiko 12. saioan kontu hauen inguruan aritu gara hizketan:
- 111 Saria eskuratu du Eider Rodriguezen Eraikuntzarako materiala eleberriak. Sari-emate ekitaldia Amasako Hika txakolindegian egingo dute ekainaren 15ean. 111 Akademiako Amaia Goikoetxeak hitz egin digu sariaz.
- 50 urte bete ditu Elkar Fundazioak. Urteurren borobila eta Adunako egoitza berria baliatu nahi ditu bere jarduna ahalik eta gehien ezagutarazteko euskal eragileen artean. Urteurreneko aurkezpen ekitaldian jasotakoak bildu ditugu.
- Iñaki Irasizabalek Zer jakingo duzue epela baino ezagutu ez duzuenok? ipuin bildumaren inguruan hitz egin digu. 10 narrazioz osatutako lana da.
- Ikaztegietan, maiatzaren 28an, Irakurketa feminista taldeen II. Topaketa egingo dute. Egun horretarako prestatu dutenaz hitz egin dute Glori Castañosek eta Sonia Plazak.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!