Ataria Pilota Txapelketan aldaketak egin dira maila batzuen egutegian

Eskuzko modalitatean, benjamin A eta alebin mailetako partidak ekainean jokatuko dira. Gipuzkoako Foru Aldundiak eskatuta, egutegiak moldatu behar izan ditu Ataria-k, partida horiek Eskola Kirolekoekin bat ez egiteko.

Benjamin A mailakoek ostiral arratsaldeak zituzten euren partidak jokatzeko eta alebin mailakoek ostegun arratsaldeak. Hori dena aldatu egin behar izan da, eta ekainean zehar jokatuko dira ligaxkako partidak. Datorren astean jakinaraziko dira egutegi berriak. Maila horietako finalak, beste mailakoenak bezala, ekainaren 25ean egingo dira Albizturren, hasieratik zehaztu bezala.

Gainontzeko mailetan, eskuz benjamin B eta infantil mailetan, zein palaz benjamin-alebin eta infantil mailetan, zehaztutako egutegiak mantenduko dira.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!