22. Korrikak egin du lehen sartu irtena eskualdetik, eta Albiztur eta Bidania-Goiatz herriak zeharkatu ditu. Tolosatik gora Albizturren sartu dira korrikalariak euskararen aldeko oihuak eginez. Albizturtarrek eta bidania-goiaztarrek gogotsu hartu dute AEK euskaltegiak antolatzen duen lasterketa. Bi herri hauetatik ez da bi urtean behin pasatzen, eta urduritasuna eta alaitasuna atera dituzte kalera. Irribarretsu egin diote harrera, eta bakoitzak ahal duen neurrian parte hartu du. 2015eko Korrika izan zen bi herri hauetatik pasa zen azkena, eta orduan kontrako norabidean egin zuten korrika.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!