Anoetako Gaztetxean izandako Plazara! bertso-saioko bertsoaldiak

(H)arituz Tolosaldeko Bertsozaleen Elkarguneak "Plazara" ekimena jarri du martxan eta eskualdeko bertsolari gazteenen plazaratzea du helburua. Bi saio izango dira eta horietatik lehena Anoetako Gaztetxean izan zen, otsailaren 11n, eta Gipuzkoako Eskolartekoan kantuan arituko diren hiru bertsolarik kantatu zuten bertan, eskarmentua duten beste bi bertsolarirekin eta gai-jartzaitzaile batekin batera. Jon Mendiluze irurarra, Aratz Arzelus amasarra eta Izar Zelarain villabonarra izan ziren protagonista nagusiak, haien bidelagun izan ziren Alaia Martin eta Oihana Iguaran, eta saioaren gidaria, berriz, Iker Iriarte izan zen. Hiru gazteek parte hartutako bertsoaldi guztiak aletu ditugu irratsaio honetan.