Askotariko ahotsekin osatu dugu aste honetako irratsaioa:
- Kontalari2 taldeko kideek ipuin baten gomendioa ekarri digute gurera. Ez da munduan min handiagoa ematen duenik ipuin ilustratuaz aritu zaizkigu Lurdes Gorostegi eta Idoia Barandiaran.
- Maribel Aiertzak zortzi narrazio bildu ditu Ezer ez da dirudiena liburuan. Artearen munduarekin zerikusia duten kontakizunak dira. Narrazio bakoitzak bere kolorea ematen dio bildumari.
- Euskal Idazleen Elkarteak Idazlearen Super-ahalak izenburupean trebakuntza saioak eskainiko digu. Idazle ezagunek gidatutako tailer, ikastaro eta hitzaldiak izango dira. Euskal Idazleen Elkarteko lehendakari Garbiñe Ubedak eman ditu azalpenak.
- Larraulen irakurle taldea jarriko dute martxan datorren ostegunean. Arrate Iturbe liburuzainak azaldu digu.
- Maitane Perez Argotek Leku bat omen zuen eleberri laburra publikatu du Udalbiltzak sustatutako Geuretik Sortuak bekari esker. Amasa-Villabonan egindako egonaldian oinarrituta idatzi du berea. Beste 15 idazlek idatzitako narrazioak bilduz, Hamazazpigarrenean aidanez izenburupean bi liburukitan argitaratu dituzte eleberri laburrak. Perezek otsailaren 8an aurkeztu zuen Villabonako Subijanan idatzitako literatur lana.