Kerobia, Seiurte eta Delirium Tremens taldeek musika panoramara itzultzea erabaki dute eta lan berriak kaleratzeko asmoa dute datozen asteetan.
Eta horrekin batera, Sakakeitan, Tatxers, Moxal edota Gaur taldearen proposamenak ekarri ditugu gurera, baita Euskatalites taldearena ere. Euskal Herriko kolektibo askorekin ateratako proiektu herrikoian bildu dute kantu bat. Euskal folklorea eta jamaikarren kultura nahasten ditu Reggaean jarrai diskoak. Ska, Rock Steady, Early Reggae edota Roots estiloetan jorratu dituzte euskal folkloreko hainbat abesti ezagun. Euskatalites taldeak Iparragirre abila dela kantuaren bertsio bat eman du.
Musika munduan aspalditik dabiltzan Ruper Ordorika eta Joseba Tapiaren azkeneko lanek ere izan dute lekua irratsaio honetan.