Oria ibaiak gain hartu du Ikaztegietatik hasi eta Adunara bitartean. Alegian, Tolosan, Anoetan edota Villabonan gainezka egin du Oria ibaiak. Beste hainbat puntutan ere atera da bere bidetik, eta zenbait lekutan kalteak eragin ditu.
Ibai eta errekez gain, ordea, euria bota eta bota ari den honetan, lurrak ere bere arrastoak utzi ditu. Hainbat luizi izan dira eskualdeko herri ezberdinetan, eta errepideetan oztopoak sortu dituzte. Nabarmenetako bat Orendaingo bidean izan da, eta besteak beste, Alegiatik momentu honetan ezin da Orendain herrira igo.
Amezketa eta Alegia artean ere luiziak izan dira, eta errepidea oztopatzen dute.