Irailaren 11n izan zen Azken Muga proiektuaren urteroko bertso-eguna. Eguraldia eta eguzkia lagun, Zaraten bertan egin zen bazkalostean. Urtero bezala, egun pasa egin zutenak eta, bazkalostean, bertsoak entzutera hurbildu zirenak nahasian, 100 entzule inguru bildu ziren. Umorea, seriotasuna, migrazioa, gazteen mugimendua, artelanak... denetariko gaiei kantatu behar izan zieten bertsolariek, eta irratsaio honetan bildu ditugu bertsoaldirik esanguratsuenak.
Irratsaio amaierako kantua: "Pauso bat" (Hitzak: Jon Maia; musika: S.A. eta Jon Maia).