Gerra Zibila baino lehen jaio arren, buru argia dauka Maritxu Huizi Apezetxeak. Goizuetan jaioa, 60 urte Berastegin bizitzen, eta oraindik buruan dauzka aitak kantatzen zituen zenbait bertso. Bere etxera joan gara, eta kafetxoa hartuz bere bertso zaletasunaz, Goizuetako eta Berastegiko bizimoduaz, eta batez ere, berari gehien gustatzen zaion bertso-sortaz hitz egin dugu; eta kantatu ere kantatu dizkigu zenbait bertso.
Elkarrizketaren tarteetan Berastegin San Lorentzotan kantatutako zenbait bertsoaldi ere entzun ditugu. Bertsolariak: Maialen Lujanbio, Unai Mendizabal, Aitor Mendiluze, Sebastian Lizaso, Amets Arzallus eta Oihana Iguaran; gai-jartzailea: Iñigo Gorostarzu "Etxorde".
Irratsaio amaierako kantua: "Goizuetako Misiyua" (Hitzak: Txirrita; musika: Antton Valverde).