"Liburu hau niretzat bada ibaian gora egite bat, izokina bezala iturburua bilatu nahia"

Jon Miranda Labaien 2021ko ira. 14a, 16:00

Uxue Alberdik 'Dendaostekoak' liburuari buruz hitz egin du denboraldiko lehenengo Letren Errepublikan.

Idazle elgoibartarrak Pitxintxu dendako nagusiak hartu ditu protagonistatzat, Izas eta Marijo. Kronika literarioa osatu du bi emakumeen bizipenetatik abiatuta eta gure gaurko Letren Errepublikara gonbidatu dugu.

Horrekin batera, Iraitz Lizarragak eta Izaro Lizarragak Zizurkilgo festa batzordearen enkarguz osatu duten Pli-Pla! ipuin liburuaz hitz egin digute. Lehenak testuak idatzi eta bigarrenak marrazkiak asmatu ditu. Melo hartu dute protagonistatzat, Elbarrenako festetako ikur den melokotoia.

Ohi bezala, Kontalari 2 taldekoen gomendioa jaso dugu eta Lurdes Gorostegik Berriz izeneko albumari buruz hitz egin ditu eta Maider Zunzunegi irakurle zizurkildarrak gure apalategira ekarri du Xabier Montoiaren Taxiak ez dira inoiz gelditzen ipuin liburua.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!