Ikasturtearen amaiera heltzen ari da, eta urteroko topaketa egin dute bertsoeskoletan dabiltzan haurrek eta gaztetxekoek, zaletasun berbera duten eskualdeko beste kideak ezagutzeko asmoz.
Goizean paseoa eman ostean, Haritz Mujikarekin eta Oihana Iguaranekin bertso-saio partizipatiko bat izan zuten, eta bazkalostean, berriz, gaztetxoak eurak izan ziren protagonistak. Bertso-saio partizipatiboko eta gaztetxoek kantatutako bertsoaldiak entzun ditugu. Badugu etorkizuna, bai horixe!
Irratsaio amaierako kantua: "Orioko balearen bertsoak" (Hitzak eta musika: herrikoiak).