Saio honetan Eguzki taldeko Garikoitz Plazaolak hainbat gai izan ditu hizpide: bi mobilizazio, Arabako parke eolikoei aurkakoa eta Zaldibar Argitu plataformak deitutakoa Joakin Beltranen oroimenez; Gipuzkoako Foru Aldundiak ez duela Bizikleta Bideen Plana bete, ezta 2020. urte bukaerarako iragarri zuen Premiazko Jarduketen Plana aurkeztu ere; horrez gain, lurraren erabilera salatu du bi proiektuetan: Donibane Lohitzunen egin nahi den luxuzko kanpina eta Donostiako Martuteneko 27. poligonoaren zabaltzea. Saioko beste gonbidatua Sabino Ormazabal izan da, Ez, eskerrik asko! Gladysen leihoa filmaren jatorrizko ideia izan eta gidoia idatzi zuena.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!