Maiatza erdialdean estreinatu zuten Ilargi guztiak filma eta asteburu honetan Villabonako Gurea aretoan ikusgai izango da Igor Legarretak zuzendutako pelikula. Aktore taldearen buruan Haizea Carneros 12 urteko neskatoa dago, bere lehen paperean, eta ondoan izango ditu Josean Bengoetxea, Itziar Ituño, Lier Quesada, Zorion Egileor eta Elena Uriz.
Udaberrian zinema estudio bihurtu zen Zizurkilgo Areta-azpikoa baserria. Ilargi guztiak filmeko hainbat eszena grabatu zituzten bertan, eta herriko beste zenbait puntutan ere aritu ziren grabaketa lanetan.
Gurea zineman izango da ikusgai filma honako ordutegian:
- Maiatzak 22, larunbata, 19:00etan.
- Maiatzak 23, igandea, 19:00etan.
- Maiatzak 24, astelehena, 19:00etan (ikuslearen eguna).